CBP One kii oko una yo octubre kuiya uvi mil oko, na chiñu ra Donal Trump savina in aplicación yo’o ña va’a chindieta’a na xi’i tankundi’i na kuni ya’a ñuu in ka xiyo ña kama ka na ya’a tutu na. Te saca tava na aña yo’o chidie ta’a ni ña xi’i takundina kava carro chi na yo’o ra kuvi ndatu’u na xi’i na chiñu na ndasi nuu xa’añu ña kuni na ya’a na, satu chindie ta’a ni ña xi’i na ta’qa yo un nduku ya´a chi in ka xiyo yo’o.
xa’a ña ndu kua’a ni na kuni ya’a inka xiyo yo’o na vaxi chi ñu ko’oyo, na chiñu ndakuiña na un va’a nduku tankundi’i na ñu tutu ña va’a ya’a vii na chi in ka xiyo yo’o. kuya uvi mil oko uni miii ñaa yo’o ke xini ñu’u ni va na.
Yoo enero kuya 2025 ra tata Donal Trump nda’ava ra aplicación yo’o ta nixoyo ña te yachi, sa ndusi ra nu takundi’i na yuvi kuni ya’a xi’in asilo, takundi’i ña yo’o kua’a ni na nindo na nikuvi ya’a na
Niya’a kua’a kii te ndi’i sa vi ke ndiko tuku aplicación yo’o ndisu xaa ndasama va na kivi ña, vichin nani ña CBP home, vichi’i ra ndasama ndi’i va n aña, vichin ra kachi na saa chi kuvi kuni ñu’u takundi’i na xaa iyo ñuu in ka xiyo yo’o na koo tutu kuvi ndataa na kivi na yo’o ra va’a kee na kuun na nuu kixina va’a ndiko na ñuu ko’o chi na chiñu ñuu in ka xiyo yo’o kunika na koo yo yo’o.
Te yachi ra siin ni va xiniñu’u na ña yo’o ndisu vichi ra ndasama ndiva ña, vichin ra na chiñu ñuu in ka xiyo yo’o kachina saachi takundi’i yoo naa koo tutu va’a ra iyo yoo ñu una yo’o kuvi kuniñu’u yo aplicación yo’o ña va’a kee mi va yo ñu na yo’o.
Ña ndiso chiñu xi’in nuu xañu kachina saa va’a ni kava tuna kuniñu’u yo aplicación yo’o ña kee yo chi na ya’a kii ra kuvi ndiko yoo xi’in tutu va’a, ndisu takundi’i ña ka’a ña yo’o subi ña ndixa kuviña chi vichin ra na sandavi va kuvina yo ña va’a ke mani yoo ñu na yo’o ña va’a na taba nduxa na yo.
Xa’a ña ndasama ña yo’o vichin ra kua’a ni na ta’a yo ra ndi’i ni ini naa chi kuvi ka ya’a na koo na in ka xiyo yo’o, xi’i ña yo’o kuvi sa nduxa na xi’i yoo ña ke yo ndisu takundi’i ña yo’o ra na kuni sanda’a vi va kuvi na yoo chi ndani’i kan a nixa ke koo tava na yo.
Ñaa xini xi’i chuun yo’o Elizabeth Ramirez Barragan, kachiña sa chi takundiyoo na iyo ñu una yo’o xiniñu’u ni kundaa ini yo xa’a ley ña ndiki’i tu’u yo taku ña ka’a na xi’i cuarta enmienda xi’i quinta enmienda nuu tutu yo’o kachi ña saa kuvi sa ndiva’a na xi’i yo ni koo va tutu va’a yo
Takindi’i ña yo ra chiñu Donal Trump ra yo’o kura ndandukuni nixa ke koo ña va’a tavara yoo ña ka ke savii ra plicacion yo’o ndisu kua’a ni na ta’a yo ra xiin kuni ñu’u na chi sava n ara iyuvi va na saa ke kachi ra Jorge Rios
Takundi’i na yuvi ra iyuvi na xa’a takundi’i ña kuu vichin iyuvina ndataa na kivi na un ña yo’o chi kunda kaxi ini na niña ke kuvi kuu xi’i na chi na chiñun yo’o kan ndakuna niña’a que kuvi sana. Yo’o ke ka’a yu xi’i takundi’i na ta’a yo na ndataa na kivi na chi iyo ni va tut ña ka’a xa’a yo takuña quinta enmienda, ña ndakixini yu’u ra takundi ña ka’a ra chiñu yo ra su ña ndixa kuvi ña.
Takundi’i ña ndasama aplicación yo’o ra kua’a ni va ña va’a nixana chi te yachi ra kau’a ni na chindie ta’a ña xi’i ndusi vichi r aña sandi’i va kuña xa’a yo.
